بسم الله الرحمن الرحيم

السلام عليكم و رحمة الله و بركاته

((( أهم قوانين الطبيعة )))


قانون الاصطفاف:

إذا صاف في طابور بطيء وقمت غيرته، طابورك إللي غيرته فجأة يصير يمشي أسرع من إللي
أنت ألحين فيه



قانون التلفون:

عمرك ما تتصل على رقم غلط ويطلع مشغول



قانون التصليح:

بعد ما يدك تتزيت وتتوسخ من الشحم ودهن الماكينة، خشمك يبدأ يحكك



قانون المعدات:

إذا طاح من يدك أي شي، تأكد أنه بيظل يتـدحرج إلى أن يوصل لألعن مكان ما تقدر تطلعه منه



قانون الأعذار:

إذا تأخرت عن الدوام وقلت لرئيسك أن كان عندك بنشر، اليوم إللي بعده تينشر صحيح



قانون المسبح:

بعد وضع جسمك في الماء، يبدأ التلفون يرررررن وما يسكت



قانون الالكترونيات:

إذا أخذت جهاز عند مصلح تبي توريه إنه ما يشتغل، حزتها يشتغل أحلى كلام



قانون السينما:

إللي حاجزين كراسي في النص لازم يجون آخر ناس ويدوسون على رجولك



قانون القهوة:

أول ما تجيب لك كاس قهوة ساخن، يجي رئيسك ويعطيك شغلة ما تخلص إلا لما تبرد قهوتك



قانون المصادفات:

إذا كنت مع واحد أو وحدة ما تبي أحد يشوفك معاهم، فجأة كل إللي تعرفهم يطلعون من كل مكان



!!! قانون الأقساط:

إذا عندك سيارة أو طراد أو أي سلعة مطلوبه للأقساط،،، مجرد أن تنتهي الأقساط تخترب



قانون الزواج:

بعد شهرين من زواجك ... يسألونك ها في شي بالطريج ؟؟؟



!! قانون نهاية الأسبوع:

وأنت نايم يوم الخميس حد النومه تدز أمك أخوك الصغير يغثك إلين تقعد عشان تتغدى



!!! قانون المعاش:

آخر الشهر لازم كل العزايم والهديا والطلبات تزيد حبكت



قانون الطقس:

لازم بنهاية الأسبوع و أنت حدك متحمس بتطلع حداق أو تروح البر مع الربع يصير الجو هوى و بار وحر و رطوبه بمعنى ثاني الفصول الأربعه بيوم واحد



و أخيراً قانون البحث:

إذا حبيت تدور شي معين (ما تلقاه).... مع أنك كنت كل يوم تشوفه مقابل وجهك ؟


\\\\\\\\\\\\\\\\\\\ اخوكم ابو عبدالله /////////////////

مع تحياتي ... منقول من منتداي اشكر الاخر رائد على الرساله